Hindi ko pa nakikita si Batang Yagit sa personal pero nakita ko na ang mga larawan niya sa iba’t ibang website kasi sikat ang batang eto at kahit san ka pumunta ay makikita mo siya. Ang batang hindi yagit, ang batang yagit na mayaman, ang batang yagit na pogi, ang batang yagit na nag wawine tasting, at batang yagit na may w960i at ang batang yagit na yagit ay iisa lang.

Special edition ang post na to, kasi ito ay hindi tanong mula sa ating mga masusugid na tagasubaybay. Ang post na to ay ginawa ko para kay Batang Yagit lamang, dahil mahal ko si Batang Yagit at gusto ko na manalo siya sa Bloggers’ Choice Award ng Philippine Blog Awards. Ako ay isang Pilipino at ang blog na ito ay may higit sa sampung post, kahit bilangin niyo pa! ang dami ko na yatang na post at ang blog na ito ay nag simula noong 2006 at hanggang ngayon hindi parin sikat . Kaya ibig sabihin pwede akong bumoto kasi higit sa tatlong buwan nang buhay ang blog na to online!

Masugid kong taga subaybay sa blog na to si Batang Yagit. Nung musmos pa lamang ang blog na to at wala pang kwenta (hanggang ngayon wala paring kwenta ), si Batang Yagit ay nandyan na upang basahin ang blog kong ito at ipag malaki sa buong kalawakan na astig ang blog ko kahit hindi naman . Sobrang bait ni batang yagit sa akin mula noon, hanggang ngayon, at sana magpakailanman. Kaya bilang ganti, diringgin ko ang payo ng aking mga magulang. Susundin ko ang mga tuntunin ng aking paaralan. Tutuparin ko ang mga tungkulin ng isang mamamayang makabayan at masunurin sa batas. Paglilingkuran ko ang aking bayan nang walang pag-iimbot at nang buong katapatan. Sisikapin kong maging isang tunay na Pilipino sa isip, sa salita at sa gawa.

Ayan! Batang Yagit, maraming salamat sa pag subaysabay sa aking munting blog, sana manalo ka! Sa karagdagang detalye tungkol kay Batang Yagit, maaaring basahin po lamang ang post ng kaibigan nating si Jehzlau

Postscript: Leave A Comment // Subscribe (RSS Feed)

The Next Post: Faithfull kaya ang husband ko?
The Previous Post: Bakit may 3rd eye?