Tanong: Paano po ako makakatulong sa pag-unlad ng ating bansa?

Sagot: Wow bayani eto!!! Kung yung iba puro pasarap lang ang ginagawa sa buhay at ung iba naman puro reklamo sa mga hirap na dinaranas nila, etong si Erika mas iniisip kung pano makakatulong sa bansa natin. Grabe! Very rare na ang 2lad mo!!! idol kita!! samba….. pakiss nga!!! kiss sa gums!!

Pano ka nga ba makakatulong sa bansa natin? Teka para makatulong ka, dapat alamin mo muna kung ano ang mga problema ng bansa natin. Pero kung iisa-isahin natin yun dito, malamang gumuho na ang earth o di kaya nman bigla magbago ang isip mo at maisipan mo na lng magpakulot sa parlor habang ako naiwan dito sa pag-iisip ng paraan kung pano ka makakatulong. kainis!

Marami kasi talaga ang problema ng bansa natin. Eto ang ilan sa mga sangkaterbang problema ng bansa at ang mga naisip kong paraan na maaari mong gawin para makatulong sa bansa natin:

1. Problema sa basura; Para makatulong ka, iwasan ang pagtatapon ng basura kung saan-saan at hanggat maaari iwasan ang makagawa ng basura tulad ng upos na sigarilyo, lunukin mo na lng ung upos na yosi, tutal kasama nman sa bayad yan g2.

2. Problema sa polusyon sa hangin; Kapag nasa tuktok ka ng building at tatanaw ka sa paligid, mapapansin mo na malabo na ang paligid dahil sa dumi ng usok. Para makatulong, iwasan ang pagsusunog ng basura, linisin ang makina ng sasakyan para hindi maitim ang usok na ibubuga nito. Wala kang kotse? iwasan ang pagkain na mayaman sa carbohydrate! Anong relasyon sa air pollution? Simple! Less carbohydrate, mas bihira ka ng uutot! bawas din un sa air pollution!

3. Problema sa tubig; nagkakaubusan na ng malinis na tubig, para makatulong, iwasan ang labis na paggamit ng tubig sa paliligo, pagtotoothbrush at paglalaba. Kung maaari wag ka na lng lumabas ng bahay nyo para hindi mo na kelangan maligo at magtoothbrush. gumamit na lng isang damit buong taon para hindi maglaba.

4. Problema sa pera; since hindi ka naman na lalabas ng bahay, hindi ka na gagastos sa pamasahe. malaking katipiran yan! hindi ka na rin gagamit ng tubig, tipid uli! ibigay mo na lng sa kin ung mga pera mo para magamit ko sa mas mabuting paraan.

5. Eto ang pinaka-ugat ng lahat ng problemang nabanggit at pati ung mga hindi nasali sa top list na ginanap sa kahabaan ng edsa. Problema sa populasyon! O di ba? lahat nman ng problema ay nagsimulang lumala dahil marami ng tao sa pilipinas at hindi na sapat ang tubig at pagkakakitaan para suportahan ang pangangailang ng bawat pinoy? Sa sobrang dami natin dito, ndi na tayo kayang i-accomodate ni inang kalikasan. Hindi na kinaya ng powers nya ang sangkaterbang pinoy na nagsisiksikan sa palad nya. Pinipilit nating isiksik ang 80 million pinoy sa palad nya na pang 50 million lang talaga! Pano ka makakatulong? Simple lang, makontento na sa isa o dalawang anak bawat pamilya. Pero kung gusto mong makatulong ng instant, may suggestion ako. Pakamatay ka na! malaking tulong din ang pagkawala mo sa pilipinas. 79,999,999 na lng kami. Ndi na masusundan ang lahi mo. o di mababawasan na rin ung ini-expect nating increase na 15% increase in next 5 years!

Wag mong seryosohin ung pagpapakamatay ha pero seryosohin mo ung paglilimita sa dami ng anak para hindi na tayo lumobo ng todo!

Tandaan… kung ang bawat isa ay magkukusang simulan ang pagbabago sa sarili at sa sariling tahanan. hindi malabong masagip pa natin ang bansa natin sa dami ng problemang kinakaharap nito… sana lahat may pakialam… sana lahat may kusa… sana lahat tulad ni ERIKA… in loving memories of Erika… o itawid na ung mga bata! huuuu… Erika!!! kanina lng malakas pa s’ya e!! parang kelan lng nagtanong pa kay jemme yan e!! hehehe… peace!!

Tanong: Kua Bakit Ang Tao Pag Pinanganak May Problema Na…???

Sagot: Huh?! Adik ka ba? Pano mo nman nasabing may problema na agad tayo pagkapanganak sa tin? imbento ka rin no!! wala ka pa ngang kamuwang-muwang sa mundo, magkakaproblema ka na agad?! baka ung magulang mo ang nagkaproblema nung ipinanganak ka kasi parang hindi ka tao nung inilabas ka sa earth. hehehe… peace.. joke lng!

Pero ang alam ko kung ipapanganak ka bilang pilipino, pagkapanganak pa lang sayo, may utang ka na! d’yan sa bagay na yan, sigurado ako! Inutang ng gobyerno para daw sa mga pilipino pero sila ang nakinabang. hay… nagiging bitterness lng ako pag pumapasok ang gobyerno sa usapan!

Kung iniisip mo na kaya may problema ang bagong luwal na sanggol dahil umiiyak s’ya paglabas pa lng, malamang iiyak tlaga yun! ikaw kaya palusutin ko dun sa dinadaan ng mga sanggol tapos papaluin ka pa ng kumadrona or midwife sa pwet kasi ikaw na bata ka, kung san san ka nagsususuot! kita mo yan! ang dungis dungis mo na! bata pa lng pasaway na!

Tanong: ask lng po. who is the filipino? pkiexplain po 2 “our culture is not a borrowed culture” slmat po …. :D

Sagot: Sino nga ba ang tunay na pinoy? Tinanong ko yan sa teacher ko sa filipino subject nung nasa high school pa ko. Sabi n’ya, “Basta marunong magtagalog, filipino yun iho!” sabay alok ng tinda n’yang imported shirts. Dahil hindi pa ganun kalawak ang karanasan ko sa mundo at ang tanging laman lng ng utak ko ay base lamang sa mga sinasabi ng mga nakatatanda sa kin, tinanggap ko na ang paliwanag n’ya ng bukal sa kalooban. Pero ngayon na kaya ko ng pumili ng mga ideya at kaalaman na ipapasok sa isip ko, ngayon na kaya ko ng pumili ng sagot sa mga tanong na pumapasok sa isip ko, naisip ko na marami pang karugtong ang tanong ko na ‘yun. Basta marunong magtagalog, pilipino na? Pano nman ung mga cebuano, ilonggo, bicolano, bisaya, waray etc etc etc na hindi marunong magtagalog? Hindi na ba sila Pilipino? Pano ung mga lumaki sa ibang bansa na may dugong Pilipino? Wika lang ba ang sukatan ng pagiging Pilipino?

Ayon sa batas, itinuturing na pinoy ang isang tao kung isa sa kanyang magulang ay filipino or ipinanganak s’ya sa pilipinas at nakarehistro ang birth certificate n’ya dito

Pero sa batas lang yan. Para sa kin ang pagiging Pilipino ay hindi lang base sa salita at dugong dumadaloy sa kanya. Minsan nasa kilos din yan, purong pinoy nga ang dugo mo pero nasa ibang bansa ka dahil ayaw mo ng mamuhay dito at itinatanggi mo ang pagiging pinoy, sana pina-drain mo na lahat ng dugo mo sa katawan at pasaksak ka ng lng ng dugo ng german (german shepherd). Parehong pinoy ang magulang mo pero lagi mo nmang ginugulangan ang kapwa pilipino mo, sana naging alien ka na lng!

“our culture is not a borrowed culture” tayo ay pilipino, may sariling pamumuhay, may sariling pag-uugali at may sariling kultura bago pa man dumating ang mga dayuhan mula espanya, englatera, amerika, japan at planetang jupiter. Hindi natin yan hiniram, inadopt natin yan mula sa lahat ng sumakop sa tin kasi kung hiram lang sana overdue na tayo sa pagsosoli. Magaling lang talaga tayong mag-adopt ng ibang kaugalian kaya unti-unting nabubura na ang natural nating kultura. May mga pagkakataon na maganda ang nadudulot nito sa tin pero hindi lahat gaya ng pagmamano, noon uso yan pero ngaun beso na lng at minsan tango na nga lng e! (pero ako nagmamano pa hanggang ngaun, promise!) Ang pakikipagkamay, unti-unti ng napapalitan ng pag-aabot ng calling card (sosyal!). Kahit sa mga games, puro na computer games ngaun, wala na ang piko, tumbang-preso, sipa, syato, taguan, patintero at iba pa! (namiss ko tuloy ang pagiging bata). Pati ung laruang telepono na dalawang lata na lalagyan ng mahabang tali para kunyari telepono, ngaun kinder pa lng may cellphone na! kainis! Pati sa sayaw, nawala na ang tinikling, pandanggo sa ilaw etc etc, at napalitan na ng hip-hop, kita nyo nman tayo pa ang nag-champion nyan sa buong mundo. Dati ayos na sa mga bata ang paglalaro sa paligid ng mga sinusunog na tuyong dahon ng mga magulang nila pero ngayon marijuana na ang tinitira nila! lupet!

Ayos lang nman na mag-adopt tayo ng kultura ng ibang bansa at planeta pero sana wag malimutan at mabura ang sarili nating kultura! i thank you!

Tanong: may kwento ba tungkol sa aso’t pusa kung bakit sila naging mortal na mag-kaaway? at ano ito?

Sagot: alam ko nasagot ko na to dati pero since ndi ko rin matandaan kung kelan un, uulitin ko na lng para sayo. sayang nman ang COMPLETE NAME mo kng wla kang makukuhang sagot.

ayon sa mga kwento, ang away nila ay nag-ugat pa sa kanilang mga ninuno.. sa mga sinaunang aso’t pusa..

cla kc ang original na domestic animals.. mga pets na pwedeng magpagala-gala sa loob ng bahay.. mga seloso kc ang mga hayup na yan kaya nag-aagawan cla sa atensyon ng kanilang mga amo… g2  mga hayup tlaga!! mga animal!!

kaya delikado tau sa panahon ngaun dahil nauuso na ang pag-aalaga ng iba pang uri ng hayop bilang pet tulad ng baboy at ahas. meron pang tigre c chavit idol!!! at pag dumami na ang ganyan, may sasali na sa gang war ng pusa’t aso.

pero ayon sa isa pang tsismis, nagsimula talaga ang away na iyan ng mahuli ng isang lalaking aso ang isang lalaking pusa na ginagaya ang style nila sa lovemaking???!!! sabagay, may narinig ka na bang cat-style? wala di ba? wala kcng originality yang mga pusa at pati style ng mga aso e ginagaya. buti na lng at wala pang tao na nahuhuli ng mga aso na gumagaya sa kanila dahil pag nagkataon.. away eto!!

Tanong: Panu ko po malalaman kung ang asawa ko ay faithfull saken e nasa ibang bansa sya

Sagot: Anak ng pusa naman sa tanong ha!! Gawin ba akong manghuhula?!! Ikaw nga may paraan para macontact sya at tanungin ng ‘HOY MOKONG, MAY IBA KA NA BANG PINAPASOK D’YAN?!’ i mean may pinasok na damdamin ha! bawal ang malisya dito! may nagbabantay na perpektong tao, baka mabanatan na naman ako! nyahaha…

Actually ate, nasa tanong mo na rin ang sagot sa tanong mo e. FAITHFULL! ano ba katapat ng salitang yan? TRUST!!! isang matinding pagtitiwala na kayo ay tapat sa bawat isa. Yan lang at ang pagmamahal (eewww!!!) nyo sa isa’t-isa ang pwede mong panghawakan.

Kahit kasi magpunta ka sa mga manghuhula para ipahawak ang naiwang brief ng asawa mo sa pagbabakasakaling malaman nila kung nagtataksil na ba si mister ay hindi ka rin makasisiguro na tama ang hula n’ya dahil “hula” lang naman un e! pwedeng tama, pwedeng mali. maski ako pwedeng humula.. at ang hula ko! wala syang ibang babae sa ibang bansa, ibang lalake meron! hahaha.. joke lang!

Isaisip mo lang palagi na mahal ka nya at ang mga anak nyo kaya hindi n’ya magagawang magtaksil sa’yo. Minsan kasi kung ano ang nasa isip natin, yun ang nagaganap sa totoong buhay. so kung maganda ang nasa isip mo, maganda rin ang mangyayari sa kanya dun.

Pero, pero, pero… hindi ibig sabihin n’yan ay hindi na s’ya makikipag-sex dun! Syempre natural sa isang tao ang makaramdam ng init sa katawan at pangangailangan na mailabas ang init na yun… Lalo na kung nasanay sya nung nandito pa s’ya na halos everyday e nagbabanatan kayo, xiempre hahanapin ng katawan n’ya un. Pwede s’yang gumamit ng ibang babae pero i assure you, wala lang kasi s’yang choice dahil andito ka. ikaw pa rin ang gusto nya! maniwala ka na!! think positive! nagpapakahirap na nga yung tao na mapalayo sa inyo dito tapos pag-iisipan mo pa ng masama!!! hehehe… ikaw pa 2loy ang lumabas na masama. joke lang!

ikaw, ndi ka ba NANGUNGULILA sa kanya, emotionally, physically at sexually? (o ung mga malilinis d’yan wag na magreact! ang plastik nyo kung hindi nyo aaminin na hindi yan part sa buhay ng mag-asawa!!)

From: cris

Sagot: sabi nga ni ate shawee sa isang commercial… kung may 1st, merong 2nd at meron ding 3rd hehehe…

actually, lahat ng tao may 3rd eye. ung iba nga lang mas active or sabi nga nila, mas malinaw. siguro mahilig silang kumain ng kalabasa kaya pati ung 3rd eye nila e 20/20 ang vision.
ang isa sa mga naiisip kong dahilan kung bakit tayo may 3rd eye e upang maging aware tayo na hindi lang mga nakikita ng pangkaraniwang mata ang nandirito sa lupa, para maging aware din tayo sa kanilang existence. isa rin itong paraan para mas lumaki ang paniniwala na may kaluluwa talaga ang tao.

sabi nila gift daw ang pagkakaroon ng bukas na 3rd eye pero para sa kin, no thank you! yoko nga makakita ng mga kaluluwa! sa kwentuhan pa nga lang halos himatayin na ko sa takot kapag gumana na ang imaginations ko, un pa kayang may makita akong lumulutang na babae or may nakatingin sa kin sa dilim?

pero sa kamalasan, hindi man ako binigyan ng “biyaya” na makakita ng mga kaluluwa or whatever, malakas naman ang pangdama ko sa mga ganung kakaibang nilalang. nararamdaman ko kapag may umaaligid sa lugar na kinatatayuan ko. madalas akong mabiktima nyan sa office namin dati, kala ko lagi may tao sa likod ko pero pag lumilingon ako, wala naman. nung una, napapraning talaga ko sa takot pero nakasanayan ko na rin at madalas ko na lang na binibiro na “kapag nahuli kita at nalaman kung babae ka! malalagay ka sa tabloid na ‘multo ginahasa’!”

advice ko lang sa meron nito, mag-ingat na lang kayo sa mga pagsasabihan nyo na may nakita kayong hindi pangkaraniwan kasi meron akong naexperience na yung isang officemate ko na nakakakita ng mga ganyang hindi pangkaraniwan e may nakita sa office namin. ang magaling na bata, sinabi sa isang tao na akala n’ya pwedeng pagkatiwalaan (akala ko din dati!) kaya ayun, sinabi nya na may nakita nga syang lalaki na nakaputi na pumasok sa kwarto. ang magaling na pinagsabihan ng nakita, ikinalat ang kwento kaya yung iba nag over-acting. hanggang umabot sa may-ari na isa pang hindi naniniwala sa mga ganung kwento kaya tinanggal ang kawawang bata na tatlo ang mata! sayang kasi gustung-gusto ko pa naman yung lagi nyang binabaon na marsmallow (ung malalaki talaga!).. hehehe… sa marsmallow talaga ko nanghihinayang e! hindi kasi nya nasabi kung san nya binibili un bago sya nasibak!

Tanong: Ano ba ang kahulugan ng pangalan ni rizal??

Sagot: Sinong Rizal ba ang tinutukoy mo dito? Si Jose Rizal ba o ibang tao na kilala mo na hindi ko nman kilala na Rizal ang apelyido?

Ok fine! Given na si Jose Rizal na nga ang tinutukoy mo? S’ya lang naman ang Rizal na may karapatang pag-usapan ng bawat Pilipino! Para sa kin ang pangalan ni Rizal ay may 2 kahulugan:

(a) Kasinungalingan! Bakit? Kasi sabi n’ya Ang hindi marunong magmahal sa sariling wika ay masahol pa sa malansang isda e bakit lahat ng mga isinulat nyang aklat ay gumamit s’ya ng Latin at French nga ba yun? Kelangan pang i-translate sa tagalog ng ibang writer para lang maintindihan ng mga kapwa n’ya Pilipino!

(b) False Hope! Bakit? Kasi sabi ny’a Ang kabataan ang pag-asa ng bayan e lahat ng politiko natin ay dumaan sa pagkabata pero hanggang ngayon puro asa pa rin tayo!

Matagal ng ipinadala ang tanong na ito at matagal na ring may sagot na naglalaro sa isip ko pero hindi ko mai-post kasi alam kong marami ang masasaktan at magbibigay ng hindi magandang comment. Pero naisip ko, bakit ako matatakot sa mga pwedeng ibalik na negative comment sa mga sasabihin ko kung ako nga mismo ay bumabato din ng negative comment sa sagot ko! how pathetic I AM! Yan naman po ay para lang naman sa ‘kin at sa isa pang tao na matindi ata ang sama ng loob kay kuya Joe! Pasensya na sa mga hindi sang-ayon pero lahat naman tayo ay may kanya-kanyang opinyon at nagkataon na hindi lahat tayo ay pareho ng pananaw sa bawat bagay! Kung may angal kayo, pumunta na kayo sa baranggay at magreklamo! joke! Malaya naman kayong i-post dito ang mga naiisip nyong kahulugan ng pangalan ni Rizal para makabawi naman sa mga pro!

Siguro kung mababasa to ni Rizal, baka hindi na ko makadaan sa bandang Luneta kasi ang takot ko lang na bigla n’ya ko hilahin at sabihan ng, “Sige, ikaw na lang tumayo dito sa monumento ko!” hehehe…

Tanong: Totoo po ba na may lindol na yayanig sa Pilipinas ngayong July 18, 2008? O eto ay isang haka haka lamang?

Sagot: Ngayon alam na nating lahat ang sagot sa katanungan na yan. Nakatanggap din ako ng ganyang message, 2 days bago ang sinasabing araw ng lindol pero hindi ko na tinapos basahin at binura ko agad dahil wala akong balak mag-aksaya ng oras magbasa ng mga ganyang kalokohan!

Isa lang ang leksyon na natutunan natin sa bagay na yan. Huwag maniniwala sa mga sabi-sabi at lalo na sa mga forward messages na ganyan! Walang makakapagsabi kung kailan magkakaron ng lindol. Isa lang ang sigurado, may parating na malakas na lindol na pwedeng maganap mamaya, bukas, next week, next month, sa birthday mo, sa wedding day mo or habang nililibing ka. walang nakakaalam kung kelan darating ang lindol kaya dapat lagi lang handa.

From: wilson

Sagot: sana lang wala kang masamang iniisip nang maisipan mong itanong ang tungkol sa mga ita..

maraming katangian ang mga ita tulad ng mga katangian nating mga lumaki dito sa kapatagan. maaaring kulang sila sa kaalamanan dahil na rin sa limitado ang kanilang exposure sa kapaligiran. ngunit ang pinakanangingibabaw nilang katangian ay ang kanilang kulot na buhok! bakit? kasi nasa tuktok ng ulo e, kaya madaling mangibabaw! literal. joke lang! actually hindi ko rin masasabi kung anu-ano ang mga katangiang meron sila na sigurado nman akong meron dahil wala pa akong nakakahalubilong ita. meron man, mukhang ita lang, ung ex ko na mala ita talaga ang ganda, morena at makapal ang labi (sabi nya kissable daw ang tamang term dun) exotic beauty in short! itabels ang tawag ko sa kanya! pero hindi ako bitter ha at lalong hindi ko sya nilalait. (palusot )

lahat naman tayo na nandito sa mundo ay may kanya-kanyang katangian, mas madalas nga lang na ang kapintasan nila ang una nating napapansin tulad ng kanilang kulay at itsura. marami sa kanila ang madalas malait kapag nakikihalubilo sa mga tulad natin pero bibilib ka sa lakas nilang magtimpi sa panlalait at panlilibak ng mga tao sa paligid nila.

hanggang ngayon marami pa ring ita ang namumuhay ng tulad ng sinaunang panahon. ang iba sa kanila ay nagsusuot pa rin ng bahag! ang mga babae naman ay todo topless pa!
ang isang matinding katangian nila ay hindi sila bastusin mga tao. bakit ko nasabi to? napapansin nyo ba na kapag sila ang feature sa isang tv program at ipapakitang naka-topless ang mga kababaihan at halos hubad na ang mga lalake e ayos lang sa mga manonood at hindi man lang makaramdam ng kahalayan samantalang ung mga pangkaraniwang babae na clevage pa lang ang nakikita e halos may himatayin na sa taas ng lagnat na nararamdam at halos mawasak na ang pantalon o short dahil sa kung anong parte ng katawan nila na tumutusok doon. (ano kaya un?)

Tanong: Kuya jemme i’m Aries, 17 years old from Manila. Isa po akong gay pero wala pa pong ibang nakakaalam maliban sa kin. Gusto ko po sanang i-open na ‘to sa parents ko kasi nahihirapan na akong itago pero hindi ko po alam kung paano. Baka po kasi itakwil nila ako. Mahilig po kaming manood ng dvd sa bahay every weekend as our way of bonding. Naisip ko po na manood kami ng movie na about sa buhay ng mga gay para makita ko kung ano ang tingin nila sa mga gay and at the same time para makita ko na rin kung ano ang maaari nilang maging reaction in case aminin ko sa kanila ang totoo. Pero wala po akong alam na gay movie. Meron man, palaging may kalaswaan. Meron po ba kayong idea kung anong magandang gay movie ang panoorin naming pamilya na walang halong kalaswaan. Some kindda not an ordinary gay movie. Salamat po.

Sagot: Naks nman! Serious ha! Yan ang mga tipo ng tanong na talagang nag-iinspire sa kin na sumagot kasi makatotohanan, applicable sa totoong buhay at hindi yung tipong basta makapagtanong lang. hehehe.. tamaan, buti nga!

Pero grabe ha! Halos maluha na ko sa tanong pa lang! Teary eye na ko e! Sa sobrang haba ng tanong, nanakit agad ang mata ko kaya nagluha! Pero ayos yan! Talagang nakuha mo ang attention ko pareng aries! Pakiss nga. Halo-halong emosyon ang naramdaman ko habang binabasa ko ang sulat mo. Sa intro pa lang kinabahan na ko kasi parang beauty contest ang pasok.

Alam mo iha este iho.. bilib ako sa’yo kasi iniisip mo rin ang mararamdaman ng pamilya mo! Tama yang naiisip mo na magtapat na sa kanila kasi mahirap nga yang may inililihim ka sa kanila at mabigat talaga yang lagi kang may itinatago sa loob mo. Syempre dapat nakatago tlaga yang bra na suot mo dahil pag nakita ng nanay mo na ikaw pala ang kumuha ng nawawala nyang bra, lagot ka! Hello!!? Hindi nman kayo magka-size no! 38 ang nanay mo, ikaw 24 lang! ambisyosa to. biro lang! hindi kasi ko sanay na diretsong serious ang usapan saka para gumaan naman yang dibdib mo! Partida wala ka pang boobs nyan pero nabibigatan ka na.

Well, tama rin yang naisip mong paraan na tignan muna ang reaction nila kung sakaling makapanood sila ng gay movie. Atleast, maihahanda mo na rin sila sa mas matinding rebelasyon at maihahanda mo rin ang sarili mo sa mga masasakit na salita na maaari nilang bitawan at sa mga magliliparang sapak, tadyak at bigwas ng tatay mo! goodluck!

Regarding nman sa gay movie na tinatanong mo, mabuti nman at naisip mo rin na pumiling maige ng movie na ihaharap sa kanila. Hindi yung tipong pagbukas pa lang ng screen e umaapoy na agad ang eksena, malamang magliliyab ang pagmukmukha mo sa bugbog ng mga magulang mo.

Well, may mga matitino namang gay movie like BROKEBACK MOUNTAIN. Napanood ko to kasi talk-of-the-town ‘to dun sa ‘min sa Hollywood naks! bukod sa matinding kissing scene sa gilid ng bahay at love scene sa loob ng tent na madilim naman, wala ng ibang kalaswaan sa movie na to. Pero matured na ang mga characters sa movie na to kaya malamang hindi bagay sa’yo.

Mmm… meron pa palang isa na bagay sa’yo kasi pang teenager s’ya. LOVE OF SIAM. thai movie nman to kaya aasa ka na lang sa subtitle. teens ang mga bida sa movie na to kaya isang kissing scene lang ang gagawin nila pero utang-na-loob naman! antagal! makakapagpakulo ka na ng tubig sa sobrang tagal ng kissing scene nila! nalaman ko to from a friend na nasa thailand na. Malamang magugustuhan to ng mother mo kasi damay ang kwento ng pamilya dito ng dalawang bida. madrama ang movie na to! gustong-gusto ko ang theme song ng movie na to kasi malalim. maghanda na rin kayo ng marami-raming chichirya kasi more than 3 hours ata ang movie na to. popcorn sir, mam!!

Kung mahilig naman sa action ang tatay mo, try mo din yung BANGKOK LOVE STORY. thai movie ulet. sobrang action talaga ang movie na ‘to to the point na hindi mo aakalaing gay film s’ya. ang galeng ng twist ng story kaya bibilib ka rin sa writer. Wag mo nga lang papakita sa tatay mo ang cover ng dvd nito kasi baka atakihin s’ya ng highblood kahit anemic s’ya!

Yan lang ang mga maisasuggest ko sa’yo. Pero abang ka lang kasi baka yung ibang reader & commentator natin dyan pati yung mga parang kabote na pasulpot sulpot lang e may mga alam na mas bigatin.

Basta goodluck and pray ka lang tol! May movie o wala maiintindihan ka pa rin nila. Siguro sa umpisa magugulat sila, may mga masasakit na salitang bibitawan at may mga drama ala ate guy, ate vi & ate shawe & action moments na pang die hard, war of the world at star wars pero eventually mauunawaan ka rin nila kasi anak ka nila! (pwera na lng kung ampon ka pala!)Â