From: MAYBELLE
Tanong: Paano mo malalaman kung ang asawa mo ay may babae?? at paano mo malalaman kung ang asawa mo ay mahal ka talaga?
Sagot:
May babae ba ang asawa mo? Ang sagot ay OO! Isang matinding OO! Meron s’yang babae! Ikaw yun! Maliban na lang kung hindi ka talaga babae. 
Tama ba? O baka naman ang ibig mong itanong e kung “May IBA bang babae ang asawa ko?” Ang gulo naman kasing magtanong e!
Kinukutuban ka ba na may ibang babae ang asawa mo? sabi nila kapag kinutuban daw ang babae na ang asawa nya ay may ibang kinakalantari (what a word?) 80% tumatama eto.
Maraming pwedeng gawin para malaman mo na tama ang kutob mo..
1) Amuyin mo s’ya pagdating nya from work. it’s either amoy pawis s’ya or amoy ng pabango na gamit n’ya. other than that, iba na yan. malamang pabango nung other girl nya un or amoy ng sabon sa kung sang motel man yan.
2) Halungkatin mo ang cellphone nya. mula sa inbox, outbox, sent items, pati ung mga hidden folders. madalas na sa gantong paraan nahuhuli ang mga mister ng mga misis nila. pero mautak na ngayon ang mga mister sa bagay na yan kaya naka-automatic unsave na ung setting ng sent messages nila. kaya baguhin mo ang setting nya dito ng hindi nya nalalaman. syempre hindi s’ya aware na binago mo ang setting ng phone n’ya, hindi na ito titignan ng asawa mo. Makikita mo na kung sinu-sino at anu-ano ang pinagtitxt ng magaling mong asawa.
3) Kapag lagi na lang syang walang gana sa bed kapag kinakalabit mo. pero syempre wag nman gabi-gabi ang pangangalabit kasi pagod din s’ya from work. atleast every other 3 days nman. maski nman cguro ako ang mister mo, tapos kakalabitin mo ko every night, baka kalabitin din kita. pero ung matalim na matalim na kutsilyo ang ikalabit ko sa’yo.
4) Makipagkaibigan ka sa mga officemate n’ya para may contact ka sa work n’ya at may maging source ka kung pumasok ba s’ya or kung naghalf-day s’ya para lang makasimple sa kulasisi n’ya.
Ang mga guys kasi hanggat makakalusot, itatanggi n’ya ang kalokohan n’ya. naalala ko tuloy ung isa kong friend na hindi ko alam kung sa anong higad ipinaglihi sa sobrang kati.
Nahuli na ng asawa nya sa mall na may kaakbay na ibang babae. ang ginawa ng magaling biglang nagwalk-out mag-isa, iniwan ang asawa at ang kulasisi, umuwi ng bahay, naligo, at nagluto ng dinner. pagdating ni misis sa bahay, umuusok sa galit..
“hoy magaling na lalaki! napakawalanghiya mo talaga! matapos kitang mahuli na may babae, bigla ka na lang lumayas!”
dahil hindi pahuhuli ng buhay si mister, nagbitaw s’ya ng mas mabigat
“ano bang pinagsasabi mong babae ka? san ka ba nanggaling? maaga ako umuwi dahil masama ang pakiramdam ko tapos wala akong aabutang pagkain dito sa bahay! Gawain ba yan ng isang matinong may-bahay? Ngayon ako pa pagbibintangan mong nambababae! Anong klase kang asawa?!”
E di nayanig si misis. Wala nga nman syang ebidensya. Hindi nga nman pwedeng ebidensya ang salita lang, dapat may matibay na patunay. Natahimik si misis, kumain na lang ng dinner at naghugas ng pinagkanan.
mas maganda kung meron kang matibay na ebidensya gaya ng mga pictures at ung mismong babae.
Sabi nman ng iba, hindi mo raw talaga mapipigil ang mga lalaki na tumingin at tumikim ng iba kasi natural na yan sa mga guys. Siguro hanggat kaya mo pang magpasensya at hanggat hindi nman n’ya sineseryoso ung girl, pagpasensyahan mo na pero pag ung tipong nawiwili na talaga at seryosohan na, aba! ibang usapan na yan!
Abangan mo sila, kelangan ung magkasama sila. mas maganda in public para maraming testigo sa gagawin mong resbak! At magrenta ka rin ng photographer para may remembrance ka sa kagitingan na gagawin mo. Magdala ka ng maraming rambutan at langka!
“Ang kati mong babae ka ha! Etong rambutan sa’yo! ikuskos mo sa buong katawan mo! Eto nmang langka ang sa’yo lalaki ka! Hindi ka na nakontento sa kin! Buti sana kung mas maganda sa kin yang nilalandi mo eh mukha nmang bisogo yang babae na yan! Ang hilig-hilig mo e hindi nman kalakihan yang pag-aari mo! Magsama kayo tutal pareho kayong makati pa sa damong dagat!”
Seriously, dapat pag-usapan nyong mag-asawa yan! Heart to heart. Dapat yung kayong dalawa lang at walang ibang makakarinig. Titigan mo s’ya sa mata saka mo s’ya tanungin kong nagloloko ba s’ya. Dapat handa ka sa kung ano man ang isasagot n’ya. Pag umamin at nagsorry nman at nangako ng magbabago. Patawarin mo na kahit sa loob-loob mo e gusto mo ng dukutin ang mga mata nya! Kung madaling tanggapin ang sorry, bakit nauso pa ang mga korte at may mga attorney pa?
And look at the brighter side. sabi nga nila, sa bawat madilim na parte ng buhay mo ay may kaakibat na liwanag. matuwa ka na lang na ang asawa mo ay nambababae at hindi nanlalalake! Anak ng! Baka mas malandi pa pala sa’yo yan at mas kulot ang eye-lashes. 
Ngayon, kung pano mo malalaman kung talagang mahal ka ng asawa or partner mo e hindi madaling sagutin, walang ibang pwedeng magsabi sa’yo kung mahal ka n’ya ba talaga kundi s’ya mismo dahil s’ya lang ang nakakaalam at nakakaramdam nun! Pero try mong dukutin puso nya bka sakali sumagot yun.
Ang isang relasyon kasi laging dalawahan yan. Hindi pwedeng puro love lang. Dapat may trust and faith.
Trust para protection at matinding faith na hindi mabutas ang trust dahil disgrasya pag nagkataon. 
g3
